محترم حضرت حکیم صاحب السلام علیکم! ہم تمام گھر والے ماہنامہ عبقری بہت شوق سے پڑھتے ہیں اور ہر ماہ اس شمارے کا ہمیں شدت سے انتظار رہتا ہے۔ہمارے بہت سے پیچیدہ مسائل اور بیماریاں عبقری کی وجہ سے ختم ہوئی ہیں۔اپنا ایک مشاہدہ تحریر کر رہا ہوں۔ چند ماہ قبل میرا ناک بالکل بند ہو گیا تھا ،میں نے سمجھا شاید موسم تبدیل ہوا ہے‘ یا شاید ناک میں پانی چلا گیا ہے خود ہی یہ مسئلہ حل ہو جائے گا مگر ایسا نہ ہو سکا بلکہ ناک میں تکلیف شروع ہو گئی ۔جب مسئلہ زیادہ بڑھ گیا توڈاکٹر سے معائنہ کروایا جس کے بعد انہوں نے بتایا کہ ناک کے غدود بڑھ گئے ہیں ‘ مسئلہ زیادہ خراب ہے‘ لہٰذا آپریشن ہو گا۔ آپریشن کا نام سن کر میں بہت پریشان ہوا ۔میں نے ماہنامہ عبقری کے ایک شمارہ میںشائع ہونے والا ٹوٹکہ آزمایا کہ اپنی ناف اور ناک میں سرسوں یا کوئی سا بھی تیل لگائیں میں چند ہفتے رات کو سونے سے پہلے ناک اور ناف میں تیل لگاتا رہا ۔بغیر آپریشن کے ناک کے غدود ٹھیک ہو گئے اوربند ناک کھل گئی۔(جاوید‘مانسہرہ)